واحد امن قومي وظبطة

الست تسيبي ليفني ظهرت في منتدي الدوحة لحاجات كتير كدة
وتكلمت عن ان اسرائيل مش هي الخطر علي الدول العربية
وانما الخطر عي الدو العربية هما المتطرفين
خلي بالك كدة اسرائيل مش متطرفة
ولمتطرفين دول طبعا هما ايران وسوريا وحماس وحزب الله والقرموطي
او بمعني اصح كل اللي عملين حس للدول العربية
ومن الواضح انها نسيت تقول ان الخطر علي الدول العربية هما الشعوب العربية
اللي متبطرة علي النعمة ومش عاجبها العجب
وفي الوقت نفسة قريت مقال للدكتور جهاد عودة (عضو لجنة سياسات ابن الريس) في المصري اليوم
بيتكلم فية عن الخطر الا يراني
وان مصر اصبحت بين فكي كسارة بعد المعاهدة اللي ابرمتها ايران مع السودان
وان مصر بقت محبوسة بين سوريا ايران وبين السودان ايران وان مصر لازم تجهز لمواجهة طويلة المدي مع ايران
ومن الواضح برضة ان الحزب الوطني(ادعولة يعلي مراتبة)بيتفق تماما مع اسرائيل
والدليل العلاقة السيئة بين مصر وايران مع ان العلاقة ممتازة مع اسرائيل
وطبعا الموضوع علي كيف الس ابو الغيط (اسئلوا الست تسيبي ليفني)
وان محاولة ايران الحصول علي الطاقة النووية السلمية دة خطر علي الدول العربية
انما وجود200راس نووي عند اسرائيل
ممكن يرجعوا الدول العربية للقرون الوسطي
دة مش خطر علي الدول العربية
لكن من الواضح ان سيادتة نسي
ان اسرائيل هي اللي بتقتل كل يوم 10فلسطينين علي الاقل مش ايران
وان اسرائيل هي اللي بتحتل الدول العربية مش ايران
وان اسرائيل هي اللي عندها مخطط اسرائيل الكبري من النيل الي الفرات
برجاء مراجعنة مناهجهم الدراسية والكلام اللي في مدخل الكنيست
(سيد قرارة عندهم)مش ايران
وان احنا مسكنا جواسيس لحساب اسرائيل مش ايران
وان اسرائيل هي اللي بتحاصر غزة مش ايران
وان اسرائيل هي اللي هاجمت مصرفي67مش ايرران
وان اسرائيل هي اللي قتلت الاسري المصريين مش ايران
وانه اسرائيل هي اللي بتحتل الجولان مش ايران
وان اسرائيل هي اللي قتلت1600لبناني وجرح الالاف بسبب اسر جنديين
اسرائيلين علي الرغم من انهم قتلوا 3جنود مصريين غير سماح وابن عمها
واخرين والريس استضاف اولمرت وما سمعناش اعتذار حتي
في المقابل بقي
ايران هي اللي بتساعد العرب مش اسرائيل
وان ايران هي اللي بتسلح سوريا وحزب الله مش اسرائيل
وان الايرانيين مسلمين مش اسرائيل
وان ايران هي للي موجودة بجانب العرب من الالاف السنين مش اسرائيل
ومع اني مختلف كتير مع ايرا
وان ايران خطر فعلا علي الدول العربية بس مش دلوقتي
دلوقتي المفروض ان احنا اصحاب مش اعداء وان قضيتنا واحد
وانا مختلف مع ايران في موضوع تدخلها في العراق وتسليها للصد
لكن الاول
ان مصر كانت تجهز من 30 سنة بعد مهاهدة كامب ام ترتر لصراع طويل المدي مع اسرائيل مش مع ايران